Back علاج سلوكي جدلي Arabic Диалектическа поведенческа терапия Bulgarian Teràpia dialèctica de la conducta Catalan Dialektisch-Behaviorale Therapie German Dialectical behavior therapy English Terapia dialéctica conductual Spanish Dialektinen käyttäytymisterapia Finnish Thérapie comportementale dialectique French טיפול דיאלקטי התנהגותי HE Dialektikus viselkedésterápia Hungarian
La dialektike kondutisma terapio aŭ dialektike behaviorisma terapio (ĉi-tie mallongigata DBT laŭ la internacie plej uzata mallongigo surbaze interalie de la anglalingva nomo dialectical behavior therapy) estas psikoterapia modelo kaj konceptaro evoluigita de la usona psikologia profesorino kaj klinikestrino Marsha M. Linehan por trakto de la emocie malstabila personeca perturbo. La terapia metodo utiliĝas kaj en psikiatriaj-psikoterapiaj klinikoj kaj en samfakaj eksterklinikaj praktikejoj.
La precipa tasko de la terapiisto estas trovi balancon inter strategioj por apreza kompreno de problemo kaj strategioj por ties ŝanĝo. Tiu "dialektika strategio" (Linehan, 1996) konsistigas la bazon por la nomo "dialektike behaviorisma terapio". Laŭ la kompreno de tiu strategio, utila dialektike rigardi ŝajnajn kontraŭdirojn en la vivo de la paciento, por malfondi tiujn kontraŭdirojn kaj iom post iom integrigi la antaŭe kontraŭdirajn problemojn en balanciĝintan vivokoncepton.
La metodo uzas multajn intervenojn de la kogna konduta terapio, sed ankaŭ elektitajn elementojn de humanisma psikoterapio kaj korpoterapiaj formoj, Gestalt-terapio, hipnoterapio, kaj krome filozofiajn modelojn kaj ekzercojn el Zenbudhismo.